मितेरी डेभलपमेन्ट बैंक लिमिटेडले गत आर्थिक वर्ष २०८२/८३ को मुनाफाबाट आफ्ना सेयरधनीलाई ११ प्रतिशत लाभांश दिने प्रस्ताव अघि सारेको छ। यसमा ५ प्रतिशत बोनस सेयर र ६ प्रतिशत नगद लाभांश (करसहित) समावेश हुने बैंकले जनाएको छ।
बैंक सञ्चालक समितिको २७६औँ बैठकले १ अर्ब ९१ करोड ३१ लाख रुपैयाँ चुक्ता पुँजीमा आधारित रहेर यो लाभांश वितरण गर्ने निर्णय गरेको हो।
प्रस्तावित लाभांश वितरणका लागि नेपाल राष्ट्र बैंकको स्वीकृति अनिवार्य हुनेछ। नियामकबाट अनुमति मिलेपछि बैंकको आगामी २१औँ वार्षिक साधारणसभाले पारित गरेपछि मात्र सेयरधनीले लाभांश प्राप्त गर्नेछन्।
