एभरेष्ट बैंक लिमिटेडको ३२औं वार्षिक साधारण सभा आज सम्पन्न भएको छ। सभाले आर्थिक वर्ष २०८२/८३ को वार्षिक प्रतिवेदन, जसमा लेखापरीक्षकको प्रतिवेदन पनि सामेल थियो, लाई सर्वसम्मतले पारित गरेको छ।
बैंकले आफ्ना शेयरधनीहरूका लागि ५% बोनस शेयर र १०% नगद लाभांश (बोनस शेयरमा लाग्ने करसमेत) वितरण गर्ने प्रस्तावलाई पनि अनुमोदन गरेको छ। यससँगै, बोनस शेयर जारी भएपछि बैंकको चुक्ता पूँजी बढ्ने भएकाले प्रबन्धपत्र संशोधनको विशेष प्रस्तावसमेत सभाबाट पारित गरिएको छ।
आगामी आर्थिक वर्ष २०८३/८४ का लागि श्री जी.पी. राजवाहक एण्ड कम्पनीलाई लेखापरीक्षकमा नियुक्त गर्ने निर्णयमा पनि सभाले सहमति जनाएको छ।
